Racconti di Paolo - Torsa

Torsa Paradiso Roveredo
Vai ai contenuti

Racconti di Paolo

Racconti di Torsa


A la int di Torse: a chei che a son stats, a chei che a son, a chei che a saran e a cualchidun altri.



Racconti pubblicati da Monte Paolo
.
I tre dis

Vot zovins di disevot, disenuf agns a spietin cuntune muse di funeral di jentra tal ambulatori dal cjapitani miedi: al e' chel che si ten il cjaf, chel che al cjamine cuetant a drete, a ledrose, cun dutis dos lis gjambis, cui che si sfreole la schene  
Jenfri di lor a son ancje "gli addormendati di Torsa" come che ju a' clamats il cjapitani dopo che Adriano, Maurizio, Dino Pilut e un altri si son pierduts lant a torzeon, cul cjaf a nolis, pal ospedal.




CONTINUA >>>>  I tre dis  


I Cacos
   



Si dispicjin lis fueis dai arbui,
a une a une o dutis intun colp
lassant, su lis ramascjis, maduri i cacos
fin che  cualchidun al vignara' a tiraju ju'
par metiju distirats sul granar.

 continua   >>>>   "I cacos"



A Voghe




E veve di sei stade une zornade ben cjalde che di fin Lui 197 ..  se, dopo tant timp, cun Edi Cate  e Toni Crodie, o jeri lat a "fa il bagno"(aromai ancje no no disevin plui, come di fruts, "a voghe") intal Cormor.
Cjapade la strade blancje juste prin de curve dai pompirs, o jerin dismontats de machine li dal pontesel di fier, tor lis sis di sere cuant che nol jere plui nissun.
Discrotats besvelt, fate la solite cerimonie di bagnasi i bracs e la cadope, Edi e Toni a vevin fat la issade e, dome cun che,  rivats su la rive a rimpet.

La Messe Grande



Don-don, don-don, don don…
Renzo Vueli e Amedeo Barel a àn bielzà fermât la mezane e la piçule.
Mario Gazete al cîr di fermâ la grande cjapant la cuarde plui adalt che al pues ma, cui siei trente chilos , al partìs par aiar come une fusete fin cuasi a tocjâ il sufit di bree li dal bûs pe cuarde; po al torne jù e danûf sù e la cjampane
don.don..don…don
e ralente, ma dome di pôc.
Alore Renzo Vueli, cuant che la cuarde cun Mario picjât e ven jù, le grampe cu lis sôs palotis  e, pontant i pîts e fasint farce  sui  setante chilos e passe,


Continua  >>>> Messe grande   




Il Muart



Al bote, e il pais si domande: "Cui isal muart?"
Intun cuart di ore si sa che i a tocjat  a Gjenio Luche, che lu a copat il " Fisema tai polmons",  come che e ajudicat Bertila di Enzo, e che il funeral si fasara ca di doi dis .Al scomencave simpri cussi.Ce che al mudave al jere juste il non dal prin ator.La sere la int si cjatave te cjase dal muart par fa la vegle e di il Rosari: chel lunc, cun ducj i cuindis Misteris (gaudios, glorios e doloros), lis cent e cincuante Ave Marie, la Salve Regina, lis Litaniis par fini cul De profundis.Dopo cene mi vevin menat ancje me, di frut, li dal Ebreo il dì che al jere mancjat il vieli Agnul.

CONTINUA   >>>> Il Muart
Il Traforo



R-r, r-r, r-r, r-r, r-rcrplìnnn...
Ce ise ? Vo dises.
Al è il ciulec che e fas la seute dal "traforo" cuant che, in bore a sun di sfreolasi cuintri il len  compensat nostant il savon metut par fa le sbrissa mior,  si creve di colp.
Alore  si a' di disvida lis dos i,  gjava i  muncui de seute rote metindi une altre e strenzi  danuf lis vits dopo  tirat l'arcut par fa tindi ben la lame.
Insavonade la seute, si va indenant cul lavor.
A jerin i prins dis dal mes di Mai dal '62.
Jo o jeri in cuinte elementar tes scuelis, in che volte gnovis, di vie Paravis, cuant che la mestre Rosa nus a dit , a no fruts, di fâ un lavor cul "traforo".




Continua >>> Il Traforo
Dottrina



A dutrine si lave tal dopomisdì dopo miezore di libero, tocjepiere o di zuc di balutis in place su la piere di Lilie fasint dispes inrabia Dante par vie che i grumuts di cuatri balutis di crep colorat, trê  sot e une parsore, ju pontavin propite  dongje il scjalin de puarte de buteghe di marcarie.
Al podeve cussi nassi che une balute, o pies inmo' la sfere di fier di Maurizio Stecje o di Gianni da la roie, e sbrissas sot la cavate di Rose, il stafarot di Vanilie o il mulot di Gjeme vignudis a compra  un spagnolet di fil par ponta il sbrego dai bregons di Turo Stropul, un blic di tele gruesse pal comedon de gjachete di Gjenio Scaboro e un pecot pe musse, cul azart che a tombolassin di brut.

Continua >>> la Dutrine
Don Ermes



E la Madonna: mora!" -lis mans, tant che palotis, di ca e di la' de muse gjoldose.
"Alta!" -i bracs fusats insu'.
"Snella!" -chei a sbrissin inju' segnant doi volts.
"Ma…" -di colp deventat seri, si cjale dulintor polsant un lamp tal cidinor straneat.
"Ma dolori!" -al vose.
"Dolori !!" -al berle.
"Dolori !!!" -al tone tirant su' i bracs.
"A tasse!!!!" -al finis; e la vos grocje si distude in chel che, ros in muse, fat il mot de tasse dai lens, dut dulios al smire il cil de glesie tignint su' lis mans.
Danuf, sint la Madone Assunte la so preferide, cheanimone in gabanis neris si jere scalmanade dal pulpit de glesie di Castoie di Soclef, a rimpet di cuatri vielis incocalidis e di tre frutatis cu la manute a plata il ridi sot coc, prin di la in procession fintremai a Nonte cjantant :"E la Madonna, e' assunta in ciel…", la Madone di Avost dal '67!.

Continua >>>> Don Ermes




Int di altris timps in place a Torse




Liseo al e' aromai passat: al vignive dilunc  cui voi inju, si e'  sbassat, al a' cjolt su' dal marcjepit une cjiche di Alfa,  i a dat une spacade, le a nasade e metude svelt inte sachete. Placido, invezit, al rive cumo cjantant e scampanelant in biciclete:"Gling-glong-dan, gling-glong dan   lis cjampanis di Mortean  ". Lu ferme Else, la femine di Agnulut, par dos sedons di luvins.
Gjenio Scaboro, cu la gjachete pesante di ogni stagjon, il cjapiel plantat sul cjaf, in pits, poiat al banc de ostarie di Bruno Mont,  di sbiego dongje de "La Dorio"(la machine dal cafe'), al supe l'ultin got di cafe' batiat cul rum Fantasia.









La Punture

I oms, e cun cheste peraule o intint ancje lis feminis, a son dai animâi pluitost curiôs: se a vegnin criticâts, che a vedin reson o no, no lu acetin; se lu fasin , lu fasin dopo  ben cuestionât, dome se a àn tuart patoc e cualchi volte nancje in chescj câs.
Cuant che, impen, si à di ricevi un compliment, une laude, in chê volte, che e sedi o no meretade, nol impuarte, al va simpri ben e nissun al dîs di no; anzit, cuant che nol e' merit so ma di un altri o dal câs,  il laudât  si inzegne fin a spiegâ il parcè  e il par come che al à fat cussì e no culà, e che se al ves fat culà vie il risultât al sarès stat un disastri e vie indevant.
Cheste naine e capite pes robonis come pes robutis .


continua >>> La Punture
La Corse




"Un om  di bessol al comant: Lidiano Palonie!"
Mancul di doi chilometris e lui, cu la ponte de lenghe jenfri i dincj, al masane il 52/13 che al e' un plase'.Un chilometri e dusinte. Si volte: nissun. "E je dibot  fate!" al pense e al pree:"Se vue o rivi prin, Madonute, o voi su' a Madone di Mont cul 52/15, o dis Rosari ogni sere par un mes e Ti promet di no tira nancje une claf a Bepo par un an!".




Continua >>>>La corse


By Appo Tony p iva 01017370303
copyright torsa .it è un servizio di memoria storica marchi , msnoscritti .foto, possono essere registrati dai rispettivi proprietari
Torna ai contenuti